ဂျက်စတင်ဘီဘာတစ်ယောက် ကားတိုက်မှုတစ်ခု ဖြစ်ခဲ့သော်လည်း ဒဏ်ရာမရခဲ့ဟု သိရသည်။
ဩဂုတ်လ ၂၉ ရက်နေ့က Baby စတား Pop ဂီတ အဆိုတော်လေးသည် လော့စ်အန်ဂျလိစ်တွင် ကားချင်းတိုက်မှုအတွင်း ပါဝင်ခဲ့ကြောင်း သတင်းများကဆိုသည်။
ဘီဘာသည် အခြား ခရီးသည် တစ်ဦးနှင့်အတူ ၎င်း၏ ဖာရာရီကား အနက်ရောင်ကို မောင်းနှင်လာပြီးနောက် ယာဉ်ရပ်နားရာ နေရာတွင် ကားရပ်ရန် နောက်ပြန်ဆုတ်ရင်း အခြားကားတစ်စင်းကို ၀င်တိုက်ခဲ့ခြင်းဖြစ်သည်။ မျက်မြင်များက ဘီဘာ၏ ကားနောက်ပိုင်းသည် ဟွန်ဒါဆီဗစ် တစ်စင်းနှင့် ၀င်ဆောင့်ခဲ့ခြင်းဟု ပြောကြားခဲ့ကြသည်။
ဘီဘာ ယာဉ်မတော်တဆမှု ဖြစ်သည်ဆိုသော သတင်းကြောင့် ပရိသတ်များ စိုးရိမ်ခဲ့သော်လည်း နာမည်ကြီး လူငယ်ကြယ်ပွင့်အနေနှင့် မည်သည့်ဒဏ်ရာမျှ မရရှိခဲ့ကြောင်း ၎င်း၏ ကိုယ်စားလှယ်က သတင်းထုတ်ပြန် ကြေညာပေးခဲ့သည်။
ဘီဘာ၏ ကားမှာမူ အနောက်ပိုင်း ဘယ်ခြမ်းတွင် ထိခိုက်ပျက်စီးမှုများ ဖြစ်ခဲ့ကြောင်းလည်း သိရှိရသည်။
No comments:
Post a Comment