Sty မျက်စိစွန်ခြင်း

မျက်စိစွန်တာ ဘာကြောင့်ဘာလည်း မဖြစ်အောင် ဘယ်လိုနေထိုင်ရမလည်း၊ ဖြစ်ရင်လည်း၊ ဘယ်လိုကုသမှု ခံယူရမလည်း။

မျက်စိစွန်တာကို ဆေးစာနဲ့ External stye or Hordeolum လို့ခေါ်တယ်။ ချွေးထွက် (ဂလင်း) တွေမှာ ပိုးဝင်တာပါ။ အတွင်းစွန်တာလဲ ရှိသေးတယ်။ Chalazia ခေါ်တယ်။ မျက်စိစွန်တာ ရက်မကြာပါ။ အပြင်စွန်တာက ဆေးမကုတာတောင် ၇-၁ဝ ရက်သာ ကြာတယ်။ အတွင်းစွန်က ကြာတယ်။
Staphylococcus ဗက်တီးရီးယား ကြောင့်ဖြစ်ရတာပါ။ မျက်တောင်မွှေး အခြေမှာ အဆီထွက်ပေါက် ပိတ်နေလို့လဲ အဲလိုဘဲ ဖြစ်တယ်။ အအိပ်ပျက်၊ အစားပျက်ကနေလဲ ဖြစ်ဘို့ များစေတတ်တယ်။ သန့်ရှင်းရေး လိုတာကြောင့်လဲ ဖြစ်မယ်။ မျက်နှာသုတ်ပုဝါ၊ လက်ကိုင်ပုဝါ လဲသုံးတာကနေ ကူးတယ်။

ဖြစ်မဲ့နေရာမှာ နီရဲရဲအဖုလေး၊ အလယ်မှာ ခပ်ဝါဝါလေး ဖြစ်လာမယ်။ မျက်ခွံလဲ ရောင်နေမယ်။ နာမယ်။ ပူမယ်။ မျက်ခမ်း အနားမှာ အက်နေမယ်။ မျက်လုံး ကောင်းကောင်း ဖွင့်မရဘူး။ ကြည်လို့လဲ မကြည်ဘူး။ မျက်ဝတ်-မျက်ရည် ယိုမယ်။ အလင်းရောင် မကြည့်နိုင်ဘူး။ မျက်စိထဲ တခုခုဝင်နေသလို ခံစားရမယ်။

Erythromycin ပဋိဇီဝမျက်စဉ်း နဲ့ ပဋိဇီဝစားဆေး Chloramphenicol, Amoxacillin တွေ ပေးကုရပါတယ်။ Chloramphenicol မျက်စဉ်းကို တချို့နိုင်ငံတွေမှာဘဲ သုံးတယ်။ ပြည်ရှိနေတာမို့ မဖေါက်ရင် ပေါက်ထွက်တယ်။ ပြည်ကို သေသေ ခြာခြာ ရှင်းပေးရမယ်။ အပူကပ်ပေးရင် သက်သာတယ်။ အနာသက်သာတဲ့ဆေး ပေးအုံးမယ်။ မိတ်ကပ်၊ (အိုင်း-လိုင်နာ) မသုံးသေးပါနဲ့။ ရောဂါပိုးက ဘေးပြန့်သွားရင် ပိုပြင်းတဲ့ဆေးတွေ ပေးရမယ်။ ရှားရှားပါးပါး အတွင်းစွန်တာကနေ အနာရွတ်ဒဏ်ဖြစ်စေနိုင်တယ်။
လက်ဆေးတာနဲ့ မကူးအောင် ကာကွယ်နိုင်တယ်။ 

• မျက်ခွံမှာရှိတဲ့ အရည်ထွက် (ဂလင်း) အိတ်လေးတွေမှာ ရောဂါပိုးဝင်တာကို Sty (Hordeolum) မျက်စိစွန်တယ် လို့ ခေါ်တယ်။ အိတ်လေးတွေ ပိတ်ရာကနေ ပိုးဝင်တယ်။ တဖက်လဲဖြစ်နိုင်သလို နှစ်ဖက်လုံးလဲ ဖြစ်နိုင်တယ်။
• မျက်ခွံအတွင်းမှာ စွန်တာကို ဆေးစာနဲ့ Chalazion လို့ သပ်သပ် ခေါ်တယ်။
• နီရဲနေမယ်၊ ဖေါင်းနေမယ်၊ နာမယ်၊ ကြာရင် ထိပ်ဝမှာ ဖြူဝါဝါ ထိပ်ကလေးလို မြင်ရနိုင်တယ်။ ပူလောင်နေမယ်၊ ယားမယ်၊ အရည်ယိုမယ်၊ မျက်စိဖွင့်မရဖြစ်မယ်၊ ကြည့်မကောင်းဖြစ်မယ်၊
• အများဆုံးဖြစ်စေတဲ့ တရားခံဟာ Staphylococcus bacteria (စတက်ဖလိုကောကပ်စ်) ဗက်တီးရီယား ဖြစ်တယ်။
• မျက်နှာ သန့်ရှင်းရေး၊ မသင့်တဲ့-မကောင်းတဲ့ မိတ်ကပ်သုံးတာ၊ Blepharitis မျက်ခွံရောင်တာ၊ Meibomitis နဲ့ Rosacea မျက်စိရောဂါတွေကနေ ဆက်ဖြစ်တာကြောင့် မျက်စိစွန်နိုင်တယ်။ ဟော်မုန်းအပြောင်းအလဲ နဲ့ စိတ်ဖိစီးမှုကိုလဲ လွဲချနိုင်တယ်။
• အပူကပ်ပေးပါ၊ ၁၅ မိနစ်ကြာ တနေ့ ၆ ခါလုပ်ပါ။ မျက်နှာကို ရိုးရိုးဆပ်ပြာနဲ့ မျက်နှာသစ်ပါ၊ မမှည့်သေးဘဲ မညှစ်ပါနဲ့၊ ပိုဆိုးနိုင်တယ်။
• ပိတ်နေတာ ပွင့်သွားရင် သက်သာ ပျောက်ကင်းသွားမယ်။
• အနာသက်သာဆေးသောက်ပါ။ Acetaminophen (Tylenol) တခါသောက် ၁ ပြား၊ တနေ့ ၂-၃ ကြိမ်။
• Antibiotics စားဆေး၊ Doxycycline သုံးတာများတယ်။ တခါသောက် ၁ လုံး၊ တနေ့ ၂ ကြိမ်၊ ၅-၇ ရက်။
• Antibiotic ointment ပိုးသေဆေး မျက်စဉ်း၊ Triple Antibiotic Ointment, PFIZER Terramycin, Tobrex Eye Ointment Tobramycin Ophthalmic Solution, Ciloxan Eye Ointment Brand 0.30% 3.5 G, BACITRACIN, Medline Antibiotic Ointments - Bacitracin, Terramycin (Oxytetracycline Hydrochloride)
• Antibiotic/Steroid ointment ပိုးသေဆေးနဲ့ (စတီရွိုက်) ရောထားတဲ့ မျက်စဉ်း၊ BNP Triple Antibiotic Opthalmic Ointment with Hydrocortisone
• လိုအပ်ရင် ပြည်ခွဲထုတ်ရမယ်။ ပြည်ပေါက် ပျော်ပြီ ဖြစ်သွားပါမယ်။
• ခွဲထုတ်တဲ့အခါ မျက်ခွံ အပြင်ဘက်ကဖြစ်ဖြစ်၊ အတွင်းဘကက်ကဖြစ်ဖြစ် လုပ်ရတယ်။ ဒါးရာကို မျက်ခွံအတွင်း အင်္ဂါမျဉ်းနဲ့အညီ ခွဲရတယ်။