ခုတော့ အိုင်ယာလန်နိုင်ငံက အသက် ၃၀ အရွယ်ရှိ ပေါလ်မော်ရန် ဆိုတဲ့ လူကတော့ သဋ္ဌေးဖြစ်မြန်အောင် သူ့ရဲ့ အီအီး(မစင်)တွေကို ရွှေဖြစ်အောင် ဖိုထိုးပါသတဲ့။ ဒါပေမယ့် သူ့ရဲ့ ရွှေရောင်အိပ်မက်ကြီးကတော့ အခု ပြိုကျပျက်စီးခဲ့ရပါပြီ။ ဘာဖြစ်လို့လဲဆိုတော့ သူ့ရဲ့အခန်းမှာ သူ့ရဲ့ အီးတွေကို လျှပ်စစ်မီးဖိုကြီးနဲ့ ရွှေဖြစ်အောင်ထိုးနေတုန်း မီးထလောင်လို့ပါတဲ့။ အဲ့ဒီအတွက် သူ့အခန်းဟာ ဒေါ်လာ ၄၈၀၀ ဖိုးလောက် ပျက်စီးသွားခဲ့ရသလို အခြားသော လူတွေအတွက်လည်း အန္တရာယ်ရှိတဲ့အတွက် သူ့ကို တရားရုံးက ထောင်ဒဏ် ၃ လ ကျခံစေခဲ့ပါတယ်။ ဒီ အပြစ်အပြင် ၁ နှစ်အထိ သူ့ကို စောင့်ကြည်နေဦးမယ်လို့ဆိုပါတယ်။
တရားသူကြီးစီရင်ချက်ချရာမှာတော့ “အမောင်လုလင်၊ အသင်သည် ရွှေဖြစ်အောင် လူ့မစင်ကို ဖိုထိုး အဆိုပါ အကြံမျိုးကိုမှ ကြံရက်လှပေတယ်” လို့ဆိုသွားပါတယ်။ The Belfast Telegraph သတင်းစာအဆိုအရတော့ဒါဟာစိတ်ဝင်စားစရာအဂရိတ်ပညာဖြစ်ပေမယ့်မအောင်မြင်ခဲ့ပါဘူးလို့ဆိုပါသတဲ့။
ပေါလ်ရဲ့ ရှေ့နေကတော့ သူ့တရားခံဟာ ထက်မြက်တဲ့လူတစ်ယောက်ဖြစ်ပေမယ့် မူးယစ်ဆေးဝါ ပြသနာကြောင့် ဒီလိုဖြစ်သွားရတာပါလို့ လျှောက်လွှဲချက်ပေးပါသတဲ့။
သြော်… တော်လိုက်တဲ့ရှေ့နေ တစ်မှု့တရားစွဲလို့ မပြီးသေးဘူး နောက်တစ်မှု့ဆင့်အောင် အချွန်နဲ့ မတတ်ပေတယ်…
@ ကိုအောင်ထွဋ်
No comments:
Post a Comment