ကမ္ဘာပေါ်တွင် လူကြိုက်အများဆုံး ကွန်ပျူတာ ဂိမ်းငယ်လေးတစ်ခုအဖြစ် သတ်မှတ်ခြင်း ခံထားရသော Angry Birds သည် ယခုအခါ အားပေးသူ အခိုင်အမာပရိသတ် သန်း ၄၀ ကျော် ရှိနေပြီဟု သိရှိရသည်။ တရုတ်နိုင်ငံ၊ အန်ဟိုင်မှ ရုပ်မြင်သံကြားဌာန အလုပ်သမား တစ်ဦးဖြစ်သူ အသက် ၅၉ နှစ်အရွယ် ဇန်ယီမင်းနှင့် ၃၁ နှစ်အရွယ် သမီးတို့သည် Angry Birds ကို အရူးအမူး အားပေးသူများဖြစ်သည်။ မိမိသည် တစ်ခါ ကစားရုံမျှဖြင့် ဝက်ကလေးများကို ငှက်ကလေးများဖြင့် ပစ်ခတ်တိုက်ခိုက်ရသည့် ဂိမ်းကို စွဲလမ်းသွားမိကြောင်း ဇန်ကဆိုသည်။ “ကျွန်တော့် ၃ နှစ်အရွယ် မြေးလေးက ခဏခဏ iPad ကိုယူပြီး အဲဒီဂိမ်းကို ကစားတော့တာပဲ။ ကျွန်တော့်လက်ထဲမှာ iPad မြင်တာနဲ့ သူလာလုပြီ”ဟု ဇန်ကဆိုသည်။
ကမ္ဘာ ပေါ်တွင် ဇန်ကဲ့သို့ပင် Angry Birds ကို နှစ်နှစ်ခြိုက်ခြိုက် အားပေးနေသူ အရေအတွက်သည် ယခုနှစ်ပိုင်းအတွင်း တစ်စထက်တစ်စ တိုးလာပြီးနောက် သန်း ၄၀ ကျော် ရှိသွားပြီဟု ဖင်လန်အခြေစိုက် Rovio Mobile ၏ ဈေးကွက်မြှင့်တင်ရေးဌာန အရာရှိ ပီတာ ဗက်စ်တာဘက်ကာက ပြောကြားခဲ့သည်။
“ဒီနေ့ဆိုရင် ကမ္ဘာပေါ်မှာ လူသန်း ၃၀၀ လောက်က နေ့တိုင်း Angry Birds ကို ကစားနေတယ်လို့ ယုံကြည်ရပါတယ်။ ဂိမ်းရဲ့ ပုံစံက အသက်အရွယ်တိုင်းနဲ့ သင့်တော်ပါတယ်”ဟု ရှင်းပြခဲ့သည်။ Rovio Mobile သည် ၂၀၀၃ ခုနှစ်တွင် စတင် တည်ထောင်ပြီး ၂၀၀၉ ခုနှစ်တွင် Angry Birds ကြောင့် ကမ္ဘာသိ ကုမ္ပဏီ တစ်ခုအဖြစ် ထင်ရှားလာခဲ့သည်။
No comments:
Post a Comment