တရုတ်နိုင်ငံတွင် ဇိမ်ခံသင်္ဘောကြီး တစ်စင်းကို စတင်ရောင်းချပြီးနောက် မကြာမီတွင်ပင် နစ်မြုပ်သွားမှုနှင့် ကြုံခဲ့၇ကြောင်း သိရှိရသည်။
လန်ဇူးတွင် မြစ်ဝါမြစ်အတွင်း ရေချလိုက်ပြီးနောက် ယွမ်ငွေ ၁၇ သန်းတန် သင်္ဘောကြီးသည် ချက်ချင်းလိုလို နစ်မြုပ်သွားခဲ့ခြင်းဖြစ်သည်။ စက်တင်ဘာ ၂၉ ရက်နေ့က ဖြစ်စဉ်ကို ယခုအခါတွင်မှ Nanfang Daily သတင်းစာက ဖော်ပြခဲ့ပြီး မည်သူတစ်ဦးတစ်ယောက်မျှ ထိခိုက်မှု မရှိဟုဆိုသည်။
သင်္ဘောကို ပြန်လည် ဆယ်ယူရန်မူ ၃ ရက်လုံးလုံး အချိန်ယူခဲ့ရသည်။ အင်တာနက်ပေါ်တွင် ရေထဲတစ်ဝက်တစ်ပျက် နစ်မြုပ် နေပြီး တစ်ခြမ်းစောင်းနေသည့် ဇိမ်ခံသင်္ဘောကြီး၏ ဓာတ်ပုံများကို လွှင့်တင်ထားသည်။ အဆိုပါ သင်္ဘောသည် ၃၂.၄ မီတာရှည်ကာ လူ ၈၀ ကို တင်ဆောင်နိုင်ပြီး တစ်နာရီ ၂၂ ကီလိုမီတာထိ ခုတ်မောင်းနိုင်ရန် ဒီဇိုင်းထုတ် ဖန်တီးထားသည်။
ဂျီဂန်ဟု အမည်ပေးထားသော သ င်္ဘောကို လန်ဇူး ပို့ဆောင်ရေး ဗျူရိုက ဦးဆောင်ကာ ဆီချွမ်ရှိ ကုမ္ပဏီတစ်ခုကို တည်ဆောက်စေခဲ့ခြင်းဟု သိရသည်။ အချို့ သတင်းများက ယင်းသင်္ဘောကို ဂိုလန်ဒေသတွင် တည်ဆောက်ခြင်းဟု ဖော်ပြနေသည်။ ကွင်းဆင်းစစ်သေးသူများက သင်္ဘောရေချချိန်တွင် မြစ်ဝါမြစ်၏ ရေပြင်အနေအထားကို ပေါ့လျော့မှားယွင်းစွာ တွက်ချက်မိခြင်းကြောင့် ယခုလို ဖြစ်သွားခြင်းဟု ပြောကြားထားသည်။
@ လူထုအသံအွန်လိုင်းဂျာနယ်
No comments:
Post a Comment