နာဂရီ ဆမ်ဘီလန်မှ အမျိုးသား တစ်ဦးသည် ကလေးငယ် တစ်ဦး၏ အရွယ်အစားမျှရှိသော ဖားကြီးတစ်ကောင်ကို တွေ့ရှိခဲ့ကြောင်း သိရှိရသည်။
၂၀ ကီလိုဂရမ် အလေးချိန်ရှိပြီး အသက် ၇ နှစ်၊ ၈ နှစ်အရွယ် ကလေးတစ်ဦး၏ အရွယ်အစားမျှရှိသော အဆိုပါ ဖားကြီးကို လွန်ခဲ့သော ၂ ပတ်ခန့်က မြစ်ကမ်းနံဘေး တောင်စောင်းတစ်ခုတွင် ဖမ်းဆီးရမိခဲ့ခြင်းဟု သိရှိရသည်။
ဂန်မန်ချာ ဒေသခံများက ဖမ်းဆီးခဲ့သော ဖားကြီးကို မိုဘိုင်းလ်ဖုန်း ကင်မရာဖြင့် မှတ်တမ်းတင် ဓာတ်ပုံရိုက်လာခဲ့သည်။ ယင်းဖားကြီးကို အလိုရှိသည့် လူမျိုးစု ခေါင်းဆောင်တစ်ဦးက ဖမ်းဆီးထားသူများထံမှ ဝယ်ယူရန် ကမ်းလှမ်းခဲ့ပြီးနောက် ငွေကြေးမလုံလောက်သဖြင့် အိမ်တွင်ပြန်ကာ အပိုငွေသား ပြန်ယူခဲ့ရသည်။
သို့သော်လည်း ၎င်းပြန်ရောက်လာချိန်တွင် ဖားကြီးမှာ အသတ်ခံရပြီးနောက် ဟင်းလျာအဖြစ် ချက်ပြုတ်စားသောက်ပြီး ဖြစ်နေရာ ထိုတွားသွားသတ္တဝါကြီးနှင့် ပတ်သက်ပြီး မှတ်တမ်း ဓာတ်ပုံတစ်ခုသာ ကျန်နေခဲ့သည်။ ထိုဖားကြီး၏ ဓာတ်ပုံမှာမူ ရှင်းရှင်းလင်းလင်း မှတ်တမ်းတင်ထားခြင်းဖြစ်ကြောင်းလည်း သိရှိရသည်။
No comments:
Post a Comment