ကမ္ဘာ့ ပထမဆုံး ရာသက်ပန် အစားထိုး စက်နှလုံး ကုသအောင်မြင်

အသက် ၁၅ နှစ်အရွယ်လူငယ်လေးတစ်ယောက်ကတော့ ကမ္ဘာ့ပထမဆုံး ရာသက်ပန် စက်နှလုံး တပ်ဆင်ရတဲ့ သူဖြစ်ပါတယ်။ အမည်မဖော်ပြထားတဲ့ ထိုလူငယ်လေးကတော့ လွန်ခဲ့တဲ့ အပါတ်က ခွဲစိတ်ခန်းထဲမှာ ၁ဝ နာရီ ကျော်ကြာ စက်နှလုံး အစားထိုး ခွဲစိတ်ကုသခဲ့ရပါတယ်။ ထိုလူငယ်လေးဟာ ကြွက်သားများသေတဲ့ ရောဂါကို ခံစားရပြီး သေဆုံးဖို့ ကြိမ်းသေသလောက်ရှိနေတဲ့ အခြေအနေမှာ ထိုကဲ့သို့ စက်နှလုံးအစားထိုး ကုသမှု့ခံယူခဲ့ရတာဖြစ်ပါတယ်။ ဒေါက်တာ Antonio Amodeo မှ ဦးဆောင်ပြီး ရောမှမြို့ရှိ Bambino Gesu ခလေးဆေးရုံမှာ အစားထိုးခွဲစိတ်ကုသခဲ့တာ ဖြစ်ပါတယ်။

Dr. Antonio Amodeo

 တရားဝင် ပြောကြားချက်အရတော့ ထိုလူငယ်လေးဟာ အနှစ် ၂ဝ မှ ၂၅ နှစ်လောက်အထိ ပုံမှန်အတိုင်း အသက်ရှင်သွားမှာဖြစ်တယ်လို့ ဆိုပါတယ်။ ဒေါက်တာ Antonio Amodeo က ထို စက်နှလုံးဟာ အရွယ် ၂ လက္မခွဲရှိပြီးဘယ်ဖက်အချမ်းမှာ ဒေါင်လိုက်ထည့်ထားတာဖြစ်ပါတယ်။ နောက်ပြီး နှလုံးရဲ့ ပင်မသွေးလွတ်ကြောနဲ့ ဆက်သွယ်ထားပါတယ် လို့ပြောပါတယ်။ ထို စက်နှလုံးဟာ လျှပ်စစ်နဲ့ အသက်သွင်းထားတဲ့ ဟိုက်ဒရောလစ် ပန့်တစ်မျိုးကဲ့သို့သာဖြစ်ပြီး ရင်အုံရိုးအောက်မှာထည့်ထားပါတယ်။ ထိုနှလုံးကို အလုပ်လုပ်စေတဲ့ ဘထ္ထရီကိုအားသွင်းဖို့အတွက်ကတော့
လူနာကောင်လေးရဲ့ ဘယ်ဖက်နားအနောက်မှာ ပလပ်ခေါင်း ကဲ့သို့အစတစ်ခုထုတ်ပေးထားပြီး လက်ကိုင်ဖုန်းများကဲ့သို့ ညအိပ်ချိန်မှာ အားသွင်းရန်ဖြစ်ပါတယ်။ ထိုကဲ့သို့ စက်နှလုံး အစားထိုးကုသမှု့ဟာ ပထမဆုံးဖြစ်ပြီးဖြစ် ထိုလူငယ်လေးရဲ့ မိသားစုဟာလဲ သေတွင်းထဲက လွတ်မြောက်လာတဲ့ သူတို့ရဲ့ သားအတွက်အလွန်ကို ဝမ်းသာမဆုံးဖြစ်နေရပါတယ်။ ဒေါက်တာ Antonio Amodeo မှ ထို စက်နှလုံးရဲ့ အလေးချိန်ဟာ ၃ အောင်စ ကျော် ရှိတယ်လို့ဆိုပါတယ် လောလောဆယ်တော့ ထိုလူငယ်လေးဟာ နှစ်ပါတ် တော့ဆေးရုံရဲ့ ကြည့်ရှု့မှုအောက်မှာ နေရအုံးမှာဖြစ်ပါတယ်။

စက်နှလုံး အစားထိုးကုသမှု့အတွက် အသုံးပြုသော ပန့်များ

 လွန်ခဲ့တဲ့နှစ်ကလည်း Andrew Ames (၁၃) နှစ်ဟာ ကမ္ဘာအငယ်ဆုံး နှလုံးပန့်အစားထိုးမှု့ကိုလည်း အင်္ဂလန်က Freeman ဆေးရုံမှာ ခွဲစိတ်ကုသမှု့လုပ်ခဲ့တာလဲရှိခဲ့ပါတယ်။ ကနေဒါနိုင်ငံမှာလဲ စက်နှလုံး အစားထိုး ကုသမှု့ကို ၂ဝဝ၆ က အသက် ၁၅ နှစ်အရွယ် မိန်းခလေးတစ်ဦးကို ကုသပေးမှု့မျိုးရှိခဲ့သော်လည်း ယာယီတပ်ဆင်ခြင်းသာဖြစ်ပါတယ်။ ယခု အစားထိုး စက်နှလုံးကတော့ ကမ္ဘာ့ ပထမဆုံး စက်နှလုံး ယာယီမဟုတ်ဘဲ ပုံသေအမြဲတမ်း အစားထိုးကုသခြင်းဖြစ်တယ်လို့ သိရပါတယ်။