Google၏ Social Networking ဝန်ဆောင်မှုသစ်ဖြစ်သော Google+သည် စတင်လည်ပတ်ပြီး တစ်လကျော်ကြာသည့်အချိန်တွင် သုံးစွဲသူ ၂၅ သန်းမျှ ရှိလာပြီဟု သိရှိရသည်။
Google+၏ သုံးစွဲသူဦးရေ တိုးပွားမှုသည် တစ်နေ့လျင် တစ်သန်းမျှထိ ရှိနေသည့် သဘောဖြစ်သည်။ ဇွန်လကုန်ပိုင်းမှ စတင်လွှင့်တင်ခဲ့သော Google+ တစ်လကျော်အတွင်း ရရှိလာသော သုံးစွဲသူ အရေအတွက်ကို ရရှိရန် Twitterက လပေါင်း ၃၀ စောင့်ဆိုင်းခဲ့ရသည်။
Google+ကို စတင်လက်ခံ သုံးစွဲနေသူများအနက် အမေရိကန်မှချည်း လူ ၆ သန်းထိ ရှိနေသည်။ အိန္ဒိယတွင် လူ ၃.၆ သန်းကျော်တို့သည် အဆိုပါ ဝန်ဆောင်မှုကို စတင်သုံးစွဲနေပြီဖြစ်သည်။ ဗြိတိန်နှင့် ကနေဒါတို့တွင် Google+ သုံးစွဲသူဦးရေ ၁ သန်းကျော်စီ ရှိနေကြောင်းလည်း သိရသည်။ My Spaceသည် သုံးစွဲသူ ၂၅ သန်း ပြည့်ရန် ၂ နှစ် အချိန်ယူခဲ့ရဖူးရာ Google+သည် ကမ္ဘာပေါ်တွင် သုံးစွဲသူ တိုးပွားနှုန်း အမြန်ဆန်ဆုံး Socail Networking ဝက်ဆိုက်အသွင် ဆောင်လာခဲ့သည်။
Googleသည် ကမ္ဘာပေါ်တွင် လူသုံးအများဆုံး Social Networking ဝက်ဆိုက်အဖြစ် ရပ်တည်နေပြီး ပုံမှန် သုံးစွဲသူ သန်း ၇၅၀ ကျော် ရှိနေသည့် Facebookအား ယှဉ်ပြိုင်ရန် ရည်ရွယ်ပြီး Google+ကို တည်ထောင်ခဲ့ခြင်းဖြစ်သည်။
No comments:
Post a Comment