“လွယ်လွယ်ကူကူ ထိန်းသိမ်းထားနိုင်ပါတယ်။ ၃ နာရီကနေ ၅ နာရီခြားလောက်မှာ တစ်ခါ ထမင်းကျွေး၊ ရေတိုက်ရုံပဲ”ဆိုသော ကြော်ငြာစာသားကို Craigslist ဝက်ဆိုက်တွင် အထင်းသား တွေ့နိုင်သည်။ အမျိုးသမီး တစ်ဦးက သူမ၏ ယောက်ျားကို ရောင်းချလိုကြောင်း Classified ကဏ္ဍတွင် ကြော်ငြာထားခြင်းဖြစ်သည်။
အမေရိကန်နိုင်ငံ၊ ယူတားတွင် နေထိုင်သော အဆိုပါ အမျိုးသမီးက သူမ၏ ယောက်ျားသည် Call of Duty: Modern Warfare 3 ဂိမ်းကို လက်ဝယ်ပိုင်ပိုင် ရရှိကတည်းက သူမကို လှည့်ပင် မကြည့်တော့သဖြင့် စိတ်ကုန်နေပြီဟု ညည်းညူခဲ့သည်။ အသက် ၂၂ နှစ်ရှိ ကိုင်လီဘာဒလေသည် ဂိမ်းဝါသနာအိုး တစ်ဦးဖြစ်ပြီး အာဖဂန် နစ္စတန်တွင် စစ်မှုထမ်းရာမှ ဒဏ်ရာရပြီး အနားယူခဲ့သည်။ ယခုအခါ ၎င်းသည် အိမ်တွင်းအောင်းကာ ၃ ရက်ဆက်တိုက် အဆိုပါ ဂိမ်းကို အသည်းအသန် ဆော့ကစားနေရာ ဇနီးဖြစ်သူ အေလီဆီ ဘက်ဒလေက ဒေါသထွက်နေခြင်းဖြစ်သည်။ သို့သော်လည်း နောက်ပိုင်းတွင် သူမ၏ ကြော်ငြာသည် ခင်ပွန်းသည်ကို စိတ်ဆိုးမိသဖြင့် ယောက္ခမနှင့် တိုင်ပင်ပြီး ဟာသလုပ်ခဲ့ခြင်းဖြစ်ကြောင်း ပြန်လည် ပြောကြားခဲ့သည်။
“ရယ်စရာ သက်သက်ပါ။ ကျွန်မ ယောက်ျားကို ကျွန်မချစ်ပါတယ်။ သူကလည်း ကျွန်မကို ချစ်ပါတယ်။ ဒီတော့ သူ့ကို ဝယ်ချင်တယ်လို့ ကမ်းလှမ်းလာရင်တောင် ကျွန်မက မစဉ်းစားပါဘူး”ဟု အေလီဆီက ABC သတင်းဌာနသို့ ရယ်ရယ်မောမော ပြောဆိုသွားသည်။
@ လူထုအသံအွန်လိုင်းဂျာနယ်
No comments:
Post a Comment