အိန္ဒိယနိုင်ငံတွင် အမျိုးသား တစ်ဦးသည် ၎င်းအတွက် သမီးမိန်းကလေးသာ မွေးဖွားပေးနိုင်သည့် ဇနီးဖြစ်သူအား ဒဏ်ငွေရိုက်ခဲ့ကြောင်း သိရှိရသည်။
သမီး မွေးလာခြင်းအပေါ် မကျေမနပ် ဖြစ်နေသည့် ဘီဟာ ဒေသခံ အမျိုးသားက ဇနီးအား ရူပီးငွေ ၂၅၀၀၀ ပေးဆောင်ရန် တောင်းဆိုခဲ့ရာ ဒေသခံ အာဏာပိုင်များက ကြားဝင်ခဲ့ရသည်။ နာဂစ်ဟု အမည်ပေးထားသော မိန်းကလေးငယ်သည် ယခုသီတင်းပတ် အစောပိုင်းက ယူတာပရာဒက်ရှိ ရွာငယ်တစ်ခုတွင် မွေးဖွားခဲ့သည်။ ထိုနေ့သည် ကမ္ဘာ့လူဦးရေ သန်း ၇၀၀၀ ပြည့် အထိမ်းအမှတ်နေ့လည်းဖြစ်သည်။ သမီးငယ် မွေးဖွားလာသော်လည်း မွတ်ဆလင် ဘာသာဝင် ဖခင်ဖြစ်သူ
မိုဟာမက် မန်ဇူအာမှာ အလွန် ဒေါသထွက်ခဲ့ပြီး သားမမွေးပေးနိုင်သည့် အသက် ၃၀ အရွယ် ဇနီးသည် ရှာနက်ဇ်အား ဒဏ်ငွေပေးဆောင်ရန် တောင်းဆိုခဲ့သည်။ ထိုကိစ္စသည် အကျယ်အကျယ် မငြိမ်းဖွယ် ဖြစ်လာခဲ့ပြီးနောက် တာဝန်ရှိသူများက မိုဟာမက်၏ တောင်းဆိုမှုကို ဝင်ရောက် တားဆီးခဲ့ရသည်။ ထို့နောက် ဇနီးဖြစ်သူက ခင်ပွန်းနှင့် မပေါင်းလိုကြောင်း တောင်းဆိုခဲ့သော်လည်း နောက်ပိုင်းတွင် ဝင်ရောက်ညှိနှိုင်းပေးမှုများကြောင့် ၎င်းတို့နှစ်ဦး ပြန်လည် ပြေလည်သွားကြောင်းလည်း သိရှိရသည်။
No comments:
Post a Comment